ಕಾದನು
ಮಾಧವ ವೇದನೆಯಿಂದಲಿ..
ಕಾದನು ಮಾಧವ ವೇದನೆಯಿಂದಲಿ
ರಾಧೆಯ ದರುಶನಕೆ..
ಒದಗಿದ ವಿರಹವ ಸೈರಿಸಲಾರದೇ
ಸೊರಗಿದ ದಿನದಿನಕೆ..
ಮಾಧವ.. ಸೊರಗಿದ ದಿನದಿನಕೆ..
ತಿಂಗಳೇ ಆಯಿತು.. ಕಂಗಳ ಮುಂದೆ
ಬಾರದೇ ರಾಧೆಮಣಿ
ಕಾದಿಹ ಕರ್ಣವ, ಅಂತಃಕರಣವ
ಸೇರದೇ ಅವಳ ದನಿ
ಕರ್ಣವ.. ಸೇರದೇ ಅವಳ ದನಿ..
ಇತಿಮಿತಿ ಇಲ್ಲದ.. ಕರೆದರು ನಿಲ್ಲದ..
ಕಾಲವ ಶಪಿಸಿದನು..
ಕಾಣದ ನಲ್ಲೆಯ.. ಎಲ್ಲೆಡೆ ಕಾಣುತ..
ನಾಮವ ಜಪಿಸಿದನು..
ನಲ್ಲೆಯ.. ನಾಮವ ಜಪಿಸಿದನು..
ಬರುವಳೇ ರಾಧೆ.. ಇರುಳಲಿ ಕಾದಿದೆ
ಗೋಕುಲದಾ ಬೀದಿ..
ವಿರಹದ ಸೆರೆಯಲಿ, ರಾಧೆಯ ನೆನೆವ
ಮಾಧವ ಅಪರಾಧಿ..
ಸೆರೆಯಲಿ.. ಮಾಧವ ಅಪರಾಧಿ
- - ತ್ರಿವಿಕ್ರಮ
